نهاية الشهر ❤️

وبس والله خلص الشهر وباقي لسه ٣ أطباق ما سويتها، حصل لي ظرف مفاجئ وانشغلت الأيام الأخيرة ما أمداني أطبخهم، بس بشكل عام أعتبرها شغلة كويسة إني خلصت ١٧ طبق من أصل ٢٠

هالشهر كان جميل، ممتع ومفيد جدا بالنسبة لي، مو بس لقيت شي يشغلني في هالفترة كمان تعلمت أشياء كثير من زمان كان ودي أتعلمها،  وطبخت أخيرا بعض الأشياء اللي من زمان نفسي أطبخها. وإن شاء الله إنه حتى أنتوا كان ممتع ولو شوي بالنسبة لكم وإنكم استفدتوا ولو شي بسيط. 

شكراً لكل وحدة شجعتني على هالموضوع، منكم اللي أقنعني بالفكرة ومنكم من أقنعني إني أسوي المدونة لأني ما كنت ناوية أسويها، و حتى اللي ما أقنعوني بشي بس كانوا يتابعوا السواليف والخرابيط اللي أكتبها شكراً لكم ❤️❤️

وأهم شي لازم أقوله وإلا يمكن أتهزأ 😂 شكراً لأهلي اللي استحملوني في هالشهر وبالذات أمي اللي اشغلتها في عمرها 😂❤️. 

طبعاً جاز لي الوضع إني أطبخ وبإذن الله ودي أكمل بس مو كذا عاد أضغط نفسي في شهر، هالفكرة سويتها عشان أتعود عالوضع ويصير زي التحدي لنفسي عشان أتشجع. بس يعني تكون الشغلة متى ما فضيت قمت تعلمت لي شي جديد، بس المدونة لسه بأرجع أفكر فيها، لأنه ما أحس الناس بتتحمس لو ما صرت أحط شي باستمرار وأنا بصير أطبخ بمزاجي، مدري إذا ودكم مدونة علموني وأسوي ما عندي مشكلة. 

وبس سلامتكم 😁❤️❤️