هذه الوصفة ما فيها شي مميز مرة أو شي جديد، بس إنها وحدة من الوصفات اللي شفت صورتها في Pinterest وقت ما كنت أحط القائمة واشتهيتها. تقريبا كل اللي كان عندي صورة ما كان في وصفة أو طريقة معينة لطبخها، فحاولت أسويها بكيفي لأنها زي ما قلت ما فيها شي جديد.
(هذه هي الصورة اللي شفتها في Pinterest)
الطريقة:
* في المقلاية، حطيت شوية زيت و حبتين بصل مقطعة صغير وفصين ثوم مبشور، بعد ما يحمّر البصل حطيت شوية كمون (لأن الكمون من البهارات اللي تحتاج تنطبخ مو زي الفلفل الأسود ممكن ينحط بالأخير) و بابريكا أو ممكن تستخدموا الفلفل الأحمر المطحون إذا تحبوها تكون حارة.
* بعد ما حمّرت البصل والبهارات حطيت صحن اللحم المفروم وقلبته الين يستوي، بعد ما يستوي اللحم أضفت الطماطم المعلبة اللي تجي طماطم مقطعة مع الصلصة (و ممكن تستخدموا صلصة أو معجون الطماطم وتقطعوا معها طماطم طازجة إذا حابين)، قلبتها إلى أن بدأت تنشف صلصة الطماطم بعدين نحط شوية ملح وفلفل أسود وبالأخير نضيف فاصوليا حمراء (أضفتها في الأخير لأنها هي أصلا مستوية ما يحتاج تنطبخ، غير كذا راح تنهرس إذا تقلبت كثير)
* في قدر، حطيت المكرونة تنسلق، بعدين صفيتها من الموية وخلطتها مع اللحم المفروم.
* حطيت المكرونة واللحم في الصينية وغطيتها من فوق بجبن ( أنا خلطت جبنة شيدر مبشورة مع جبن موزاريلا، ممكن تستخدموا أي نوع حابينه)، بالأخير دخلتها الفرن إلى أن تذوب الجبنة.
الإكليرز نوع من الحلويات الفرنسية المعروفة حول العالم، عبارة عن عجين على شكل أصابع محشي كاسترد ومغطى بالشوكولاته، بس طبعا في نكهات كثيره غير الشوكولاته يعني ممكن يتسوى بالقهوة أو بالفراولة أو سكر مطحون وغيرها بس أتوقع الأساس هي اللي بالشوكليت.
أنا إنسانة أحب الحلويات يعني دائما أفضل الحلو على المالح، والإكليرز من الأشياء اللي أحبها بس مو دائما أكله لأنه ببساطة ما ينباع عندنا كثير، ولا تقولوا لي ينباع في مخابز السوبرماركت لأنه حقاتهم ما أعتبرها إكلير، أكلتها كم مرة ولا أعجبتني أبد، يعني ما أحس فيها نكهة الإكلير. الأغلب يقول إنه مافي فرق بينها وبين الدونات المحشي كاسترد، وأتوقع اللي يقول هالكلام يكون ذاق اللي بمخبز السوبرماركت 😂 بس اللي قد ذاق إكلير أصلي يعرف الفرق. أكيد في كم محل عندنا يبيع إكليرز مضبوطة بس عن نفسي ما قد شفتها غير في السوبرماركت.
هذه الوصفة كمان من لورا (Laura in the kitchen)، صراحة للآن ما قد جربت لها وصفة إلا وطلعت لذيذة عشان كذا صرت كل ما أشتهي شي أول شي أدوره عندها إذا ما لقيته دورت غيرها. وتبون الصدق إذا شفت مقاطعها وجت بالأخير تذوق اللي طبخته أشتهي اللي تاكله خصوصا إذا قالت (المفروض إنه يبرد بس ما أقدر أقاوم) وتاكله وهو حار، على طول يجيني فضول أذوق هاللي تاكله 😂😂
المقادير:
* للعجين
- كوب ماء.
- كوب دقيق أبيض.
- إصباع زبدة.
- ٤ حبات بيض.
- رشة ملح.
* للحشوة (الكاسترد)
- ٢ كوب وربع حليب كامل الدسم.
- ربع كوب نشا.
- ربع كوب سكر.
- ٤ حبات (صفار) البيض.
- ملعقة صغيرة فانيلا.
- رشة ملح.
( عن نفسي لما ذقتها كانت مبينة فيها نكهة البيض شوي فاقترحت أمي إني أحط شوي قشر ليمون عشان يودينكهة البيض)
* لصوص الشوكولاته
- نص كوب شوكلاته هيرشيز حق الكوكيز (أو ممكن إذا عندكم ألواح الشوكلاته الخام تنفع بعد).
الريزوتو طبق إيطالي مو مرة متعارف عليه عندنا، أتوقع لأن عندنا أنواع رز كثير ما نحتاج نوع زيادة، ولأنه الريزوتو سالفته سالفة يحتاج حوسة شوي وغالبا ما يضبط موكلالناس يضبط معهم، يعني مو نفس باقي أنواع الرز نكبه في الموية ونتركه الين يستوي، هذا الفرق فيه إننا نضيف الموية على دفعات يعني نضيف ملعقة ونقلبه إلى أن تتبخر بعدين نضيف ملعقة ثانية ونقلبه، وعلى هالحالة إلى أن يستوي الرز تقريبا ياخذ ٢٠ - ٣٠دقيقة. عشان كذا هند بنت عمي تقول ( هذا ما بتتعلمي منه الطبخ بس، هذا يعملك الصبر).
أنا عن نفسي أعشق الأكل الإيطالي، بس ذقت الريزوتو في إيطاليا مرة وحدة ولا أعجبني فما عاد جربته بعد كذا، من فترة جربته هنا في الرياض في مطعم (جولياز) ومرة أعجبني حقهم، قالليعقليأجربأسويهفيالبيت،طبعا لأني عارفة إنه يحتاج حوسة شوي قعدت فترة وأنا أدور وأتفرج على وصفات يعني عشان أحاول أضبطه بس الصراحةكانتتجربةفاشلةنوعاما،الرز صار "مهبوص" يعني ليّن بزيادة وحباته لاصقة في بعض كأنه ناشف وهو المفروض ليّن بس ما يلصق يعني إذا انحط بالصحن ينفرد يعني فيه مرقة شوي.
بالرغم من التجربة الغير ناجحة معي يمكن يضبط مع أحد منكم، بس عن نفسي خلاص اقتنعت إنه صعب ولو اشتهيته مرة ثانية رحت جولياز أكلته عندهم، حتى إيطاليا ما عاد أقدر أكله عندهم لأني إكتشفت إنه الريزوتو أصلا ينطبخ ب (WhiteWine)فيأول دفعة تنحط على الرز وبعد كذا يكملوا بمرقة الدجاج، فإذا سافرتوا انتبهوا من هالنقطة. أبوي يقول ترا حلو اللي طبختيه موب شين بس إنه مو نفس كثافة حقهم يعني أحس إنه في شي ناقص، المرة الجاية جربي تسويه بال (WhiteWine)وهوصادقيمكنحقهميضبطلهالسبب ما يندرى.
الطريقة:
*قطعتحبة بصل حمّستها مع زبدة إلى أن بدت تذبل وتحمّر شوي، حطيت عليها كاستين رز مصري وقلبته زين وخليته شوي (يقولون إنه إذا حمسنا الرز يصير يشرب أو يمتص السوائل ومن كذا يصير ليّن ).
* بعدين أضفت مرقة الدجاج على دفعات، إذا نشفت دفعة أضفت اللي بعدها، مع التحريك المستمر (يقولون لمدة ٢٠ - ٣٠دقيقة) أنا أخذت مني وقت أطول إلى أن استوي الرز وأتوقع هذا هو السبب في إنه الرز صار ناشف مدري لاصق إنه طول على النار.
* في مقلاية، حطيت الزبدة و الفطر مقطع شرائح وملح وفلفل أسود شوي وبعد ما استوى أضفته على الرز.
إذا في أحد بيجربه ويضبط معه يعلمني كيف.. وعليكم بالعافية ❤️
وصفةالشوربةكمانمن لورا (Laurainthekitchen)، كنت أتفرج على وصفاتها في اليوتيوب ولاحظت في التعليقات الناس كاتبين لها إنهم يبغوا وصفة شوربة البطاطس، ولأني أحب الشوربة تكون كريمي وثقيلة عجبتني الوصفة.
من كثر ما تحمست للشوربة كان المفروض إني أسويها من بداية الشهر، لكن لأنها تحتاج مرقة دجاج ولأن الريزوتو كمان يحتاج مرقة دجاج قالت لي أمي اصبري الين أطبخ شي بالدجاج وأعطيك المرقة يصير تطبخي لنا الشوربة والريزوتو مرة وحدة.
إلى يومكم وأنا أستنى مرقة هالدجاج، بالأخير سألتها متى بتسوي الدجاج قالت إنتي سويه وخلي الدجاج بالثلاجة أطبخه بعدين! طيبقوليكذامنأولصار لي شهر أستنى😂، لا وأقولكم اللي يضحك بعد! جاتني بالأخير تقول كان جبتي موية حارة وذوبتي فيها ماجي ما يحتاج تسلقي دجاج! لو إني مو متحمسة للشوربة وودي أذوقها، كان عطيتها دجاجتها وبطلت من الحوسة كلها💔😂.
ما عليكم مننا، المهم إنه الشوربة طلعت لذيذة وعجبتنا. ونصيحة للي يحب الشوربة الثقيلة يجربها ما راح يندم ❤️
المقادير:
- ٤ حبات بطاطس مقطعة مكعبات.
- حبة بصل.
- ٤ ملاعق دقيق أبيض.
- نص إصباع زبدة.
- ٣ أكواب مرقة دجاج.
- ٣ أكواب حليب.
- نص كوب سور كريم (SourCream).
- جبنة شيدر مبشورة (على حسب الرغبة).
- ملح وفلفل أسود (على حسب الرغبة).
الطريقة:
*في القدر، نحط الزبدة والبصل إلى أن يذبل البصل ويبدأ يحمر شوي نضيف الدقيق ونقلبه باستمرار لمدة دقيقة أو دقيقتين.
* نضيف مرقة الدجاج والحليب والبطاطس ونخليه لمدة ٢٠ دقيقة أو إلى أن تستوي البطاطس.
* أخر شي نضيف السور كريم والجبنة ونخليها على النار زيادة خمس دقايق تذوب الجبنة.
وصفة السلطة هذه أخذتها من مرت خالي الله يعطيها العافية ❤️ والسبب في إني أضفتها للقائمة كمان كان بطلب من عالية بنت خالتي 😁 السلطة مره سهلة وبسيطة وما تاخذ وقت، جربوها وما بتندمون 😋❤️.
الطريقة: * قطعت خس أمريكي وخلطته مع صوص الرانش وحطيته بالصحن.
* المفروض إني أحط فوقه بصل مقلي مجفف بس وقتها ما كان موجود عندي فقررت أحط إضافة جديدة وهي جبنة موزاريلا ( وممكن أحلى وأحلى من كذا ينحط البصل والجبن سوا مافي مشكلة أبدا ❤️)
* قليت دجاج (بوب كورن) وخلطته مع صوص البافلو وصوص التتبيلة الفرنسية لكسر الحرارة شوي ( إذا ودكم الدجاج يكون حار مو شرط تضيفوا الصوص الفرنسي) وبالأخير أضفته على الخس والجبن.
هذا الطبق حطيته ضمن القائمة بطلب مخصوص من عالية بنت خالتي، لأنه واحد من أطباقها المفضلة.
السر في هالطبق هو الصوص اللي عليه، مهما الواحد يشتري صوص باربكيو مستحيل يكون نفس طعم اللي ناكله بالمطعم. هالمرة قلت بأبحث عن طريقة للصوص لعل وعسى القى طريقة يصير طعمها نفس اللي بالمطاعم. دورت كثير بس أغلبهم يا يستخدموا مكونات غريبة أو إنه الوصفة تكون لتتبيلة اللحم حق الباربكيو. في الأخير قلت خليني أشوف في موقع لورا يمكن تكون مسوية الصوص😂 وبالفعل والله لقيت عندها الوصفة وطلعت نفس طعم صوص المطاعم إذا مو أحسن بعد❤️❤️.
(عالية أنا آسفة إني سويتها بدونك بس والله وعد بسويها لك 😁❤️)
المقادير: - نص بصلة مقطعة قطع صغيرة - فصين ثوم مبشور - ٢ كوب كاتشاب - ملعقتين خل - نص كوب ماء - ٣ ملاعق شيرة البانكيك ( أنا حطيت عسل بداله) - نص كوب سكر بني - ملعقتين صغيرة تتبيلة وورشستر شاير - ملعقتين صغيرة بودرة خردل ( أنا ما عندي فما حطيته) - ملعقتين صغيرة بابريكا - ملعقتين صغيرة فلفل مطحون - ملح وفلفل أسود ( على حسب الرغبة)
الطريقة: * بالنسبة للصوص حطيت البصل والثوم مع شوية زيت على النار، بس الين يذبل البصل ما يحتاج يحمّر، بعدين نحط البهارات وباقي الأشياء كلها ونخليها على نار هادية لمدة ٣٠ دقيقة. ( أنا عن نفسي أبغى الصوص يكون ثقيل فقللت كمية الموية وخليته على النار أكثر من نص ساعة الين وصل الكثافة اللي أبغاها)
* آخر شي قليت دجاج هرفي البوب كورن وبعدين حطيته في الصوص.
أنا نقطة ضعفي دائما الحلويات وبالذات البراونيز، دائما أسوي البراونيز ودائما أهلي يطلبوها لو آخر اللي ما عندي مشكلة أبدا، أدخل المطبخ وأسويها. بس اللي أسويها دائما هي البراونيز الجاهزة تبع بيتي كروكر في حياتي ما جربت أسوي براوني من الصفر، والسبب إني ما قد لقيت وصفة لذيذة وسهلة كل الوصفات تحتاج حوسة، ومهما يحوس الواحد إلا ما تطلع بالأخير كأنها كيكة عادية، فأسهل شي ممكن هو بيتي كروكر أخلطها في خمس دقايق وأدخلها الفرن.
هالمرة شفت فيديو Laura Vitale أفضل وحدة في لقيتها في اليوتيوب دائما وصفاتها مرة سهله والطعم شي خرافي والله ما أمزح وصفاتها لذيييذة ❤️❤️. المهم شفت فيديو للبراونيز العادية بعدين شفت فيديو هالوصفة وانصدمت من جمال الفكرة (ريد ڤلڤت براونيز بنكهة التشيزكيك) ٣ في ١ وسهلة مرة حتى أسهل من البراونيز العادية. ومن تجربتي السابقة لوصفات لورا متأكدة تماما إنه طعمها بيكون جميل حتى لو إنها دسمة مو مشكلة نزيد نص ساعة تمارين 😁.
المقادير:
* للبراونيز - إصباع زبدة - كوب سكر - بيضتين - ٣ ملاعق شوكلاته بودرة - ٣/٤ كوب دقيق أبيض - لون أحمر (على حسب الرغبة) - ملعقة صغيرة فانيلا - رشة ملح (هي تحط زيادة wine vinegar)
* للتشيزكيك
- جبنة فيلاديلفيا (8oz) - بيضة وحدة - ٣ ملاعق ونص سكر - ملعقة صغيرة فانيلا
هذا الشي قد شفته أكثر من مره بس ما قد فكرت أسأل إيش هو بالضبط، إلى أن شفت الشيف Gordon Ramsay يطبخها مره وأعجبتني. عبارة عن جزر وكوسا وجبنة حلوم نخلطهم مع بيض ونسويهم على شكل برجر، ما أعرف إيش تتسمى بالعربي بس إنها نوعا ما تعتبر برجر للنباتيين وأمي تقول إنها قريبة من عجة البيض، فكيفكم سموها اللي تبون.
بعد ما ذقتها عرفت ليش النباتيين يعتبروا ناس صحيين، صدق هالأكلة واللي تعتبر عندهم "برجر" لذيذة وخفيفة وصحية ما فيها دهون وخرابيط، بس يعني الوسطية زينه بعد ناكل صحي ونخرب شوي وناكل دهون وين المشكلة 😝❤️
الطريقة:
* بشرت حبة جزر وحبة كوسا في المبشرة وحطيتهم في مصفاة ورشيت عليهم ملح (الملح يساعد في إنهم ينشفوا ويطلعوا مويتهم) بعدين بديت أعصرهم شوي بيدي لأنها لازم تكون بدون مويتها تماما لأن الموية الكثيرة ما راح تخليها تتماسك وتاخذ شكل البرجر.
* بشرت جبنة الحلوم وأضفتها على الجزر والكوسا بعد ما صفيتهم، هنا وقبل ما نضيف البيض يحتاج تذوقوا كيف ملحها لأنها صعب تتملح بعد ما تستوي.
* أضفت بيضة وحدة وشوي فتات خبز (بقسماط) وقلبتهم سوا ( هنا الشيف رامزي أضاف أعشاب ممكن تضيفوا اللي انتوا حابين نعناع، ريحان، أوريقانو، روزماري، بازل، أي شي تحبوه أفرموه شوي وأضيفوه مع الخضار والجبنة)
* تشكلوها زي البرجر وتدخلوها الثلاجه نص ساعة قبل لا تسووها، بعدين في المقلاية شوي زيت و تحطوا البرجر، تحتاج يمكن ٥ دقايق أو ألين تحمّر من الجهتين على نار متوسطة مو عالية عشان لا تحمّر بسرعة وهي ما استوت.
تعرفوا كيف الواحد تجيه فترة يشتهي شي معين ويقعد هالفترة كلها وهو ياكل منه؟ أنا هالفترة طايحه في التوت المجفف حابته بشكل مو طبيعي. من حسن حظي، شفت مقطع في اليوتيوب للجميلة Laura Vitale في Laura in the kitchen تسوي كوكيز بالتوت المجفف والبرتقال😍 تلقائيا تخيلت طعمها بفمي حسيت إنها بتكون شي لذيذ، فَ شي طبيعي إنها تكون من ضمن القائمة.
طريقتها سهله مرة ما تاخذ وقت مجرد إنكم تخلطوا المقادير سوا وتدخلوها الفرن ١٠ دقايق وبعدها تستمتعوا بوحدة من ألذ وأفضل أنواع الكوكيز اللي قد ذقتها بحياتي إذا ما كانت أفضلهم للآن❤️❤️❤️. يعني من جد قد ما أتكلم ما راح أقدر أوصف لكم طعمها "خورااافة خورافة❤️".
الطريقة:
راح أكتب لكم المقادير وأنزل الفيديو أسهل لكم، وعموما هي ما تحتاج شي بس نخلط المقادير سوا وتكون جاهزه. هالمقادير راح تسوي لكم عجينة كوكيز ساده جاهزه أنتوا ممكن تضيفوا أي شي حابينه عليها لو ما تبغوا التوت والبرتقال. أنا عن نفسي حبيت أضيف شوكليت مع التوت والبرتقال لأنه من وجهه نظري إيش الكوكيز من غير الشوكليت!!
المقادير:
- كوب ونص دقيق أبيض - بيضة وحدة (لو ما تحبوها سميكة نفس حقتي، تبغوها سائلة أكثر أو مفرودة ممكن تضيفوا بيضة ثانية) - ثلث كوب سكر أبيض - ثلث كوب سكر بني - إصباع زبدة - ملعقة صغيرة فانيلا - نص ملعقة صغيرة بيكربونات الصوديوم - نص ملعقة صغيرة ملح - توت مجفف (حسب الرغبة) - قشر برتقال (حسب الرغبة) - قطع شوكولاته الكوكيز (حسب الرغبة)
السبب في إني اخترت الراتاتوي أو الراتاتولي ضمن قائمة يضحك شوي بس معليش ولا أخلي شي في خاطري من مدري كم سنة 😂.
الصدق هو إني لما شفت فيلم (Ratatouille) حق الفار الطباخ في آخر الفيلم جاهم الناقد يذوق أكلهم فطبخ له الفار الراتاتوي وأعجبته مره، من وقتها وأنا مشتهيتها ودي أذوقها 😂🙈.
طبعا حطيتها من ضمن القائمة بس ما أعرف كيف ممكن أسويها يعني مستحيل إني أكون عرفت الطريقة أو المقادير من الفيلم، فتحت أدورها في النت بس ما أعجبتني وصفاتهم ما يحطوا خضار زي الناس بس يحطوا طماطم وبطاطس والخيار مدري الكوسا الطويييلة حقتهم، فالحل الآخر للموضوع إني أروح أقول لأمي اخترعي لي طريقة لو سمحتي المهم إني أبغى شكل الخضار مصفوف في الصينية زي اللي في الفيلم😁.
(في الصورتين الفرق بين راتاتوي الفيلم والراتاتوي حقنا)
مرحلة شراء الخضار كانت أصعب شي، ساعة ندور أنا وأمي في السوبرماركت نختار جزر بنفس حجم الباتنجان، بنفس حجم الكوسا، بنفس حجم البطاطس، كله عشان يصير شكل الصينية نفس اللي ببالي 😂.
(أدري إني بثرة بس معليش أهلي لازم يستحملوني، و قاعده أطبخ لهم غدا بعد يعني في مني حسنة)
الطريقة: * قطعت البصل، والبطاطس، والكوسا، والجزر، والباتنجان كلهم حلقات أو شرائح، رصيت البصل من تحت في صينية مدورة ورشيت عليه فلفل أسود، بعدين رصينا الخضار فوقه (نفس الصورة).
* في المقلاية حطيت شوية زيت وحمرت بصل وثوم وحبة ماجي وملح وفلفل أسود بعدين حطيت صحن لحم مفروم الين يستوي، بعد كذا أخذنا لحم المفروم وصرنا نوزعه بين شرائح الخضار في الصينية.
* آخر شي فكرت أمي إنها تخترع تتبيلة فوق هذا كله بدال صلصة الطماطم اللي يحطوها.
(بكتبه بدون مقادير طبعا لأنه أمي مسويته)
في نفس المقلاية اللي سويت فيها اللحم حطت موية، ملح وفلفل أسود، كاري، كمون، حبة ماجي، ملح ليمون، (وشوي سكر كالعادة) بس صبتها فوق الصينية ودخلناها الفرن.
زهرة الكوسا مافي أحد معترف فيها عندنا وأتوقع الأغلب ما يعرف إنه في للكوسا زهرة أساسا، لأن محلات الخضار والسوبرماركت يشيلوا الزهرة قبل لا يبيعوها. أنا كنت مع الشعب ما أعرف عنها شي، إلى قبل كم سنة أبوي جابها وقال بذوقكم شي ما قد ذقتوه في حياتكم وطبخها لنا، صح إني ما كنت أحب أغامر وأذوق أشياء مستنكرة وأكلتها بالغصب بس اللي أذكره إنها كانت شي لذيذ❤️❤️.
قبل فترة وأنا أتفرج على Master Chef شفتهم قاعدين يقلوا زهرة الكوسا بعدين يحطوها فوق خس ويرشوا عليها زيت أو صوص يعني إنها سلطة وتنحسب على الزبون المسكين ب ٤٠ دولار!
وأنا بكل بساطة رحت للفليبيني في السوبرماركت قلت له أبغى زهرة الكوسا، طبعا هو مليون علامة تعجب في وجهه بس راح ٥ دقايق وجاب لي كيسه مليانه يقول تكفي والا تبغي زيادة، ما يدري الشيف رامزي إنه عندنا ناخذها بلاش وهو يبيعها بهالسعر😂.
الطريقة: * اخترت الزهرات اللي لسه فريش (أوراقها برتقالية وقلبها من جوا أبيض) غسلتهم وخليتهم ينشفوا شوي. (غسلتهم تحت موية مفتوحة عالخفيف وحاولت أفتحها شوي شوي وأغسلها من جوا عشان ما ينكسروا لأنها إذا انكسرت يصير تطلع الجبنة منها)
* حشيتهم جبنة موزريلا (أتوقع هم يحشوها جبنة ريكوتا كمان) الحشوة يحتاج لها كمان دقة وشوي شوي عشان ما تنكسر، بعدين حاولت ألف أطرافهم "أوراقها" عشان أسكرها وما تطلع منها الجبنة إذا جيت أقليها.
* أخر شي قبل القلي نغمسها في بيضة مخفوقة بعدين في البقسماط بعدين نقليها.
الوصفة لقيتها في pinterest وحفظت الصورة مع الأشياء اللي عندي في الجهاز تستنى دورها 😂 حفظتها عشان أبوي من عشاق الباتنجان، ولو كل يوم ياكله ما عنده مشكلة فصايره أمي دائما تدور أكلات جديدة بالباتنجان تسويها له وأنا لقيت لها شي جديد لقائمتها😝.
إلى اليوم كل اللي كان عندي صورة، فاليوم لما جيت أدور الوصفة لقيت إنه بيتزا الباتنجان (مدري هي مخترعتها والا ايش وضعها) بس إنه الوصفة بإسم julia child اللي هي الطباخة اللي في الفليم (julie & julia) .
الوصفة سهلة خلال نص ساعه تقريباً كانت جاهزة، وطعمها صراحة فاجأني يعني ما كنت أتخيل إنه طعمها بيكون كذا،فيها نكهه لذيذة ما أعرف إيش هي بالضبط، وطعمها بالذات صلصة الطماطم ذكرتني بإيطاليا وأكلهم الجميييل ❤️.
الغريب في الموضوع إني أنا سارة بنت بسام أقول إنه أعجبتني صلصلة الطماطم 😂، لأنه اللي يعرفني يعرف إنه بيني وبين الطماطم عداوة قوية ما آكله ولا أحب ريحته (طبعا كرهي للطماطم النية واللي تكون قطعها كبيرة ومبين طعمها هذه ما أكلها بس المطبوخة واللي ما يبين طعمها عليها بهارات وأشياء تخفي نكهتها ما عندي مشكله معها😝). بالبداية كنت ناوية أحط لأهلي هالصلصلة وأنا أسوي لي كم حبة بصلصلة البيتزا الجاهزة لأنه على بالي من الصورة إنه الطماطم نية مو مطبوخة، بس لما قريت الوصفة وشفت إنها مطبوخة ومهروسة كمان قررت إني أكلها معهم والحمدلله إني أكلتها❤️.
الطريقة: (الكمية صغيرة على قد ٣-٤ أشخاص)
* حبة باتنجان قطعتها شرائح عريضة شوي رشيت عليها شوي ملح ورصيتها على مناديل عشان تتصفى مويتها. ( هذه نصيحة julia child) تخلوها تقريبا ربع ساعه بعدين تحطوها بالصينية وتدهنوها زيت زيتون من فوق وتحطوا عليها البهارات الإيطالية (أنا عن نفسي بس حطيت شوي أوريقانو) بعدين تدخلوها الفرن لمدة ٢٥ دقيقة. (أنا حسيت شكلها ناشفة وأمي تقول ما عليك منها ما تفهم حطي زيت الزيتون ما فوق ومن تحت 😂بس إني قررت أمشي على نفس الوصفة).
* بالمقلاية حطيت زيت زيتون وفصين ثوم مبشورة، أول ما بدأ يحمر الثوم حطيت حبتين طماطم مقطعة صغار وشوي ملح والبهارات الإيطالية ( أنا ما عندي فحطيت أوريقانو وريحان مجفف) إذا بدأت تستوي الطماطم نهرسها بالشوكة شوي بس مو مره بعدين نرخي النار على أقل شي عشان تقعد حاره إلى أن يستوي الباتنجان، إذا بدأت تنشف الصلصلة نزيدها شوي موية. ( في إضافة على الطماطم غريبة شوي من اختراع أمي اللي هي سكر تقول دائما اذا بتسوي طماطم لحالها زي كذا حطي سكر ما أعرف السبب بس الصلصلة صارت لذيذة بالأخير يعني ما ضرها شوية السكر).
* لما خلص الباتنجان حطيت عليه صلصة الطماطم وفرمت كم ورقة ريحان وحطيتها عليه وبالأخير حطيت جبنة الموزاريلا ودخلته الفرن من فوق بس عشان تذوب وتحمّر الجبنة. ( لما خلص الباتنجان عرفت ليه جوليا قالت نحط زيت الزيتون بس من فوق، لأنها تبغى الباتنجان يحمر من تحت وما يصير ليّن مره من كثرة الزيت).
"شيبس البيت" كانتأميتسويهلناوإحنا صغار، صح ما سوته إلا كم مرة بس عرفتوا كيف لما يظل الطعم الجميل ببالكم❤️❤️. المهم طريقته سهله مره وما تاخذ وقت، وممكن يتسوى بأي نكهه تحبوها.
الطريقة:
*قشرت٣حباتبطاطسوقطعتهمشرائحرقيقةبالمبشرة. بعدين نقعتهم لمدة ٥ دقايق في موية مغلية.
* صفيت البطاطس وقسمتهم ٣ أقسام، كل قسم حطيته في زبديه لحاله. بعدين حطيت عليهم زيت زيتون وملح وفلفل أسود (هذه أساسية) بعدين ممكن تضيفوا أي نكهه حابينها. أنا أضفت خل على الدفعة الأولى، و أوريقانو (زعتر بري) على الدفعة الثانية، و بابريكا (فلفل آحمر مطحون) على الدفعة الثالثة.
* حطيت ورق زبدة في الصينية بعدين رصيت البطاطس حبة حبة جنب بعض ودخلتهم الفرن ما بين ١٠ إلى ١٥ دقيقة.
أفضلوصفةلقيتهاللتارتهيوصفة Laura Vitale،هالإنسانةمرهجميلةمقاطعهاومرهسهلةوصفاتها،حسابهافياليوتيوب (Laura in the kitchen) إذاودكمتتابعوها.
السردائمافيعجينةالتارت،اذاضبطتالعجينةالباقيسهل. العجينةلازمتكونقاسيةوتتفتتشويوبنفسالوقتماتكونقاسيةلدرجةإنهاتكونزيالخشبةولاتكونتتفتتمنكثرماهيناشفةلازمتكونشيبالوسط (إنشاء الله إنكم فهمتوا شي من هالحوسة) عشانكذاتعتبرصعبةلأنهاتحتاجتكتيكمعينعشانتضبطتقريبا١٠٠٪
