هذا الطبق حطيته ضمن القائمة بطلب مخصوص من عالية بنت خالتي، لأنه واحد من أطباقها المفضلة.
السر في هالطبق هو الصوص اللي عليه، مهما الواحد يشتري صوص باربكيو مستحيل يكون نفس طعم اللي ناكله بالمطعم. هالمرة قلت بأبحث عن طريقة للصوص لعل وعسى القى طريقة يصير طعمها نفس اللي بالمطاعم. دورت كثير بس أغلبهم يا يستخدموا مكونات غريبة أو إنه الوصفة تكون لتتبيلة اللحم حق الباربكيو. في الأخير قلت خليني أشوف في موقع لورا يمكن تكون مسوية الصوص😂 وبالفعل والله لقيت عندها الوصفة وطلعت نفس طعم صوص المطاعم إذا مو أحسن بعد❤️❤️.
(عالية أنا آسفة إني سويتها بدونك بس والله وعد بسويها لك 😁❤️)
- فصين ثوم مبشور
- ٢ كوب كاتشاب
- ملعقتين خل
- نص كوب ماء
- ٣ ملاعق شيرة البانكيك ( أنا حطيت عسل بداله)
- نص كوب سكر بني
- ملعقتين صغيرة تتبيلة وورشستر شاير
- ملعقتين صغيرة بودرة خردل ( أنا ما عندي فما حطيته)
- ملعقتين صغيرة بابريكا
- ملعقتين صغيرة فلفل مطحون
- ملح وفلفل أسود ( على حسب الرغبة)
* بالنسبة للصوص حطيت البصل والثوم مع شوية زيت على النار، بس الين يذبل البصل ما يحتاج يحمّر، بعدين نحط البهارات وباقي الأشياء كلها ونخليها على نار هادية لمدة ٣٠ دقيقة.
( أنا عن نفسي أبغى الصوص يكون ثقيل فقللت كمية الموية وخليته على النار أكثر من نص ساعة الين وصل الكثافة اللي أبغاها)
* آخر شي قليت دجاج هرفي البوب كورن وبعدين حطيته في الصوص.
وعليكم بالعافية❤️❤️
ليست هناك تعليقات:
إرسال تعليق