التاكو له مليون طريقة كل واحد يسويه بالطريقة اللي يحبها، فطريقتي اليوم من تأليفنا أنا وأمي.
الطريقة:
* بالنسبة للخبز عندكم ثلاث خيارات:
١- تشتروا خبز التاكو الجاهز. (عن نفسي مرة اشتريته وصارت أغلبها مكسورة فبطلت أشتريهم).
٢- تشتروا خبز التورتيلا العادي وتحمروها بالفرن عشان تاخذ شكل خبز التاكو (زي الصورة).
٣- تخبزوا في البيت خبز تورتيلا بعدين تحمّروها بالفرن (زي الصورة).
طبعا أمي ما أعطتني فرصة واختارت الخيار الثالث والأصعب كالعادة، بس هي اللي راح تخبز التورتيلا لي، لأنه أنا والعجين دائماً وأبداً ما نتفق، ما قد عجنت شي وضبط معي إلا بعد تدخلات ومساعدة من اللي حولي. ودي أقول لكم طريقة الخبز بس أمي ما تعطي الواحد مجال يتعلم منها لأنها تألف من راسها ما تمشي على مقادير، ولو قلت لها عيديها ما راح تعيدها نفسها يعني كل مرة تألف طريقة جديدة.
بس بشكل عام طريقة خبز التورتيلا سهلة مرة ما تحتاج حوسة، راح أحط لكم أسهل وأوضح طريقة لقيتها للي حاب يخبزها في البيت لأنه بصراحة طعم تورتيلا البيت أحسن بكثير من الجاهزة.
مقادير خبز التورتيلا:
٣ أكواب دقيق أبيض.
١ كوب ماء.
١/٣ كوب زيت.
ملعقة صغيرة باكينج باودر.
ملعقة صغيرة ملح.
بس كذا ما تحتاج أي شي زيادة، بعد ما تعجن تخلوها ترتاح ١٠ دقايق بس لأنه ما فيها خميرة، بعدين تكوّر صغار وتفرد بحجم خبز التورتيلا. خَبزها يكون وحدة وحدة في المقلاية أو عالصاج ما تدخل الفرن.
بعد ما تخلص الحشوة وكل شي يكون جاهز ندخل خبز التورتيلا في الفرن (نفس الصورة) عشان تاخذ شكل التاكو. هالخطوة المفروض تكون آخر شي عشان ما تنشف عليكم ويصير صعب تحشوها و صعب أكلها.
* بالنسبة للحشوة: قطعت صحنين صدور دجاج (قطع طويلة)، حمرتها في شوية زيت مع ملح وفلفل أسود ( بناء على طلب أهلي ما حطيت البصل والفلفل الأخضر مع الدجاج سويتهم لحالهم بقدر ثاني) بعد ما يتحمر الدجاج حطيت عليه البافلو صوص و صوص التتبيلة الفرنسية، بعدين في الأخير أضفت عليه جبن موزريلا. بمقلاية ثانية حمّرت حبتين بصل مقطعة شرائح في شوية زيت + فصين ثوم مقطع شرائح، بعد ما تحمّر البصل أضفت حبة فلفل أخضر (مقطعة شرائح طويلة) لأني ما أبغى الفلفل يذبل مره.
* الصوص الخارجي هو في الأساس (Sour Cream)، بس كالعادة أمي تفضّل إنها تسوي الصوص ما تجيب الجاهز.
بكتب لكم طريقة الصوص بدون مقادير لأنه اعتمد عالذواقة، اللي هي طريقة أمي في كل شي، مستحيل تمشي على مقادير معينة تقعد تزيد في المقادير الين توصل للطعم اللي تبغاه. المهم، حطيت علبة زبادي، خل، ليمون، ملعقة صغيرة جبنة سائلة، ملح وفلفل أسود، وأوريقانو (زعتر بري)، ورشة سكر عشان تعادل لذعة الحموضة (طبعا هالزيادة بكيف أمي).
وعليكم بالعافية ❤️،،
ليست هناك تعليقات:
إرسال تعليق